Leitlun Facebook Hmangtambik Ram

Leitlunin hlaralih pehtlaihawknak (telecommunication) thu relkhawmnak
um sehla internet hi a pakhatnak ih a ret dingmi cu a si ko. Tui san
cu internet hi lotheihlo dinhmun asilole hmanlo theihlo dinhmun ah a
cang ih hmantlakzet khal a rak si. Cumi lakah Facebook khal hi 2004 ah
University ṭhehsuaklo Mark Zuckerberg le a rualpi Andrew McCollum,
Eduardo Saverin, Chris Hughes le Dustin Moskovitz tepawlih rak hmuh le
tuahsuakmi a si.

A rak thawkpek ah Harvard university tlawngtapawl le a tuahtupawlin
bikhiah neiin an rak hmang lawk. Lehhnu ah cun state ah a lar ih cutin
leitlunpi ah a rung lar so vivo. Tuah an headquartered cu Menlo Park,
California, United States ah a um. Paisa tamzet lalut ve a si ih 2012
ah hngetkhoh sumlut (revenue) $5.1 Billion a nei. Leitlunih Facebook
hmangtam zettu Rampawl kan zoh khawm pei.


                                                    1. United States

US hi leitlunih Information technology (IT) lamih tlan cak zet a si bangin leitlunih Facebook hmangtu tambik Ram pakhatnak tiih ruah a si. Mipum 165 million in computer le phone thawn an hmang.

2. Brazil

Brazil hi leitlunih Facebook hmangtu tambik Ram pahnihnak a si. 65.6 million ziktein an hmang.

3. India

India cu theihciazo bangin a Ram hi mipum tam hrimhrim a si. Tu-ah 1.27 billion lai a si. India cu leitlunih Facebook hmangtu tambik Ram pathumnak a si. Mipum 61.7 million zikte in Facebook accounts an tuah ih himi hi hminlemih tuahpawl thawi siarcih a si.

4. Indonesia

Indonesia cu leitlunih Muslim tambiknak hmun a si. Indonesia cu leitlunih Facebook hmangtu tambik palitnak a si. Minung 5 ah 1 tlukin Facebook an hmang tiih ruah a si. Mipum 48.8 million in Facebook an hmangih a hmangtu an karh cak zet. Kum hnihkhat a rei tikah cun a hmangtu mipum tampi bet a ṭul leh ko ding.

5. Mexico

Mexico hi pahra sungih pangatnak ih tel thei ve a si. Mipum 39.8 million in Facebook an hmang. Mipum zatek ih 35.8% hrawngin tumtahnak phunphun thawn Facebook an hmang.

6. United Kingdom

United Kingdom hi European Ram asi ih London hi hi-miphun ih khawpi a si. 2012 ah mipum 63.23 million an si ti’n zum a siih tuah a hrek tlukin Facebook website an hmang. Curuangah tu ahcun leitlunih Facebook hmangtu tambik Ram paruknak a si.

7. Turkey

Turkey hi Asian Ram a si ve ih Ankara hi an khawpi a si. 2012 ah an mipum hi 74 million an si ti’n ruah a si. An ram mipum zatekih 44% in Facebook an hmangih leitlun Facebook hmangtu tambik pasarihnak ah an thleng ban ve.

8. Philippines

Philippines hi Asian Ram sungah asi ih 2012 ah 96.71 million mipum umnak a si. An Khawpi cu Manila a si. Mitin pathum ih pakhat thluk cun Facebook an hmang ti’n zum a si. 30.2 million lenglo in an hmang. Leitlun ah Phone thawi text/SMS kuat tambik pakhatnak khal an si.

9. French

French hi 2012 ah mipum 65.7 million an si. Paris cu an khawpi bik a si ih hi Ram cun Europe sungah a um. An Rammi zatek 39% cun Facebook an hmang. Cucun leitlunih Facebook hmangtu tambik Ram pakuanak tiangah a thlen phah.

10. Germany

Germany hi leitlunih Facebook hmangtu tambik Ram pahratnak a si. Germany cu European Ram sungah asi ih 2012 ah 81.89 million an um tiih zum a si. An nih tla hi Facebook hmantu an karh cak zet. 25.2 million in Facebook an hmang.